قانون العرب قانون العرب
.
random

آخر المواضيع

random
جاري التحميل ...

حاجه بره القانون بقلم المحامي عثمان احمد

حاجه بره القانون بقلم المحامي عثمان احمد
حاجه بره القانون بقلم المحامي عثمان احمد 

المحامي عثمان احمد 

 ضحكت عليكوا هي مش معلومه عنب ... هي حاجه بره القانون .. الصراحه هي عني وحبيت انكوا تعرفوني .. مش عارف ليه بس اهي غلاسه والسلام ... للي عاوز يعرفني اسمي زي ماهو مكتوب كده عندكوا عثمان احمد انا من المعادي ومنيش كبير ع فكره ف السن وانا باختصار .. زي مافي الصوره دي وطبعي اجارك الله


البوست ده بيتكلم عن الناس الموديين أو اللي اسمهم العلمي متقلبي المزاج ...للي عاوز يفهم الشخص المودي ده عامل كده ليه وازاي وفين ..


- الانسان متقلب المزاج ممكن يصحى الصبح شايف الدنيا كلها ألوان قوس قزح والعصافير بتزقزق والفراشات بترفرف وممكن يفتح عينيه شايفها سواد بدون أي سبب مقنع .. أو بدون أي سبب أصلا

-ممكن تلاقيه مع جيرانه ودود جدا ولطيف أوي ومجامل للغاية وفجأة تلاقيه واخد جنب مش لأي سبب من جانبهم هو بس لإنه لما بيكون مزاجه مش رايق بيفضل الوحدة لإيمانه الشديد إنه في الوقت ده دمه تقيل جدا والناس ملهاش ذنب...إلا انه تذبذبه في المعاملة اللي الناس قطعا يعني ملهاش ذنب فيها بيتاخد على انه متنك أو so weird

-غالبا بيكون شخص عصبي حمقي مش بارد ومعندوش خلق لحاجات كتير الناس بتعملها

- لو انتوا معارف ويوم قابلته عالسلم في الشغل أو أي مكان ولقيته بياخدك بالحضن والحب مولع في الدرة وفي اليوم اللي بعده عمل نفسه مش شايفك ماتزعلش...المشكلة مش فيك خالص المشكلة في العفاريت اللي في دماغه

_ما بيحبش كتر السلامات والمقدمات معندوش صبر خليك to the point ولو بنت مش لازم كل اما تشوفوا بعض 4 بوسات 2 كفاية اوي او hug حلوة صادقة

-لو انتوا اصحاب أنتيم هتبقى أكتر حد عايش معاه المراجيح المزاجية ومع الوقت هتفهم امتى هيختفي ويرجع تاني مع نفسه ومش هيقدملك مبررات هو كده وخلاص...

-بيتأثر بالناس والمواقف والكلام جدا ...هتلاقيه ممكن بكلمة بسيطة من حد يحس احساس الطاير من الفرحة بشكل مبالغ فيه u made my day وكلمة تانية من غيره ممكن تقفل اليوم بشكل مبالغ فيه بردو

-أغلب الوقت مش عارف هو عاوز ايه أو يمكن مش عارف هو حاسس بإيه

-يعبر عن غيره حلو أوي بس مش بيعرف يعبر عن نفسه

-في الشدة شديد وفي القوة قوي...وفي الضحك صوته لاخر الدنيا وفي الزعل اجارك الله

-بيكره الروتين ويعرف الروتينيين ويشم ريحتهم من على بعد ويكره الحفيظه والقوالب بجميع أشكالها

-الراعي الرسمي لسؤال "وإيه مايخلهوش ينفع يعني؟"

-هو الانسان اللي هتلاقي ناس بتقول عليه انطوائي اوي مابيتكلمش وهتلاقي ناس تانية بتقول رغاي واجتماعي زيادة عن اللزوم

-لما بيبص في المراية يا شايف نفسه "أيه الحلاوة والجمال دة" يا "أبو شكلك" مفيش في النص مساحة مابينهم خالص

-عارف هو باختصار انسان دحلاب دحلاب كده مايتزعلش منه يعني

عن الكاتب

رشدي عبد الغني

اذا أعجبك الموضوع فلماذا تبخل علينا بالردود المشجعة

التعليقات



جميع الحقوق محفوظة

قانون العرب