قانون العرب قانون العرب
.
random

آخر المواضيع

random
جاري التحميل ...

مشاكل قانونية كبرى تواجه المحامين بسبب عدم الالمام بالقانون

 مشكلة واجهت احد المحامين بسبب عدم الالمام بالقانون
 مشكلة واجهت احد المحامين بسبب عدم الالمام بالقانون

أ. رانيا جابرالمحامية

النهاردة هنتكلم عن مشكلة واجهت محامى زميل المشكلة بتتلخص فى ان المحامى اتقدم بشكوى ضد احد الاشخاص يتهمه بتزوير فى اوراق رسمية ( وثيقة زواج - بطاقة رقم قومى وغيرها) وحضر الزميل فى التحقيقات وادعى مدنى وسدد الرسم 
تم التحقيق فى الشكوى والنيابة العامة أصدرت قرارها أمر بألا وجه وطبعا الزميل اتخذ الاجراء باستئناف الامر بألا وجه وتم تحديد جلسة امام محكمة الجنح المستأنفة منعقدة فى غرفة المشورة 

#الزميل غير ملم بالقانون ( مشكلة طبعا )


محكمة الجنح منعقدة فى غرفة المشورة أصدرت قرارها بعدم الاختصاص واحالة لمحكمة الجنايات منعقدة فى غرفة المشورة 
فات سنة ع القرار بدون ما يتم تنفيذه والزميل اعتقد انه بكدا القضية اتحفظت 
#الزميل كسول لأنه مفكرش يسأل على قضيته ( مشكلة تانية )
بعد مرور السنة تقدم المحامى بتظلم للنائب العام المساعد على اساس قرار الحفظ
وصدر قرار النائب المساعد باتخاذ اللازم طبعا الزميل افتكر كدا القضية اتحفظت تانى 
#الزميل مهمل مفكرش يروح ويفتح القضية ويعرف ايه هو اللازم ( مشكلة تالتة )
فضل الزميل محله سر ومتحركش خطوة فى القضية :( طيب هو كدا محامى ؟!!
عدم المام بالقانون واهمال وكسل عيوب متنفعش تكون فى المحامى اصلا 

#مثال_آخر :

احد الزملاء اتفاجئ باللى حصل من الزميل فحاول يساعده راح النيابة الكلية وكتب طلب بتحديد جلسة امام محكمة الجنايات منعقدة فى غرفة المشورة 

رئيس النيابة رد عليه انت لسه فاكر بعد سنة التظلم سقط 


رد الزميل دا مش تظلم دا طلب لتنفيذ حكم محكمة تكاسلتوا عن تنفيذه قد يكون بقصد او بدون قصد رئيس النيابة سكت 
#زميل ملم بالقانون 

عاندوا معاه عشان يداروا خيبتهم وقالوا المحامى العام اللى بيحدد الجلسة ودا محتاج اسبوع المحامى راح تانى يوم مستناش اسبوع 
#زميل مجتهد خايف على موكله 

مشادات ومناوشات بينه وبين النيابة فى 4 ايام كان حدد جلسة امام الجنايات منعقدة فى غرفة المشورة 
#زميل مهتم بالمحاماه فعلا

*** عارفين ان كل مهنة فيها الحلو وفيها الوحش بس مش هانكر ان الوحش عندنا احنا بضياع حقوق وممكن حبس ناس اتنين محامين فى الموضوع نفسه واحد فضل محلك سر وواحد انجز شغله وخلصه واحد عارف القانون بيقول ايه والتانى مش عارف فيه حاجة 

اللى عارف القانون وصل بسرعه للى هو عايزه اللى مش عارف قعد فى مكانه واستنى اللى يجي يخلص له شغله 

#اهتم بالمحاماه هتهتم بيك 

مش هتديك خيرها غير لما تشوف خيرك 

#كن_نقيب_نفسك

عن الكاتب

رشدي عبد الغني

اذا أعجبك الموضوع فلماذا تبخل علينا بالردود المشجعة

التعليقات



جميع الحقوق محفوظة

قانون العرب