قانون العرب قانون العرب
.
random

آخر المواضيع

random
جاري التحميل ...

بحث الفرق بين شركات الاشخاص وشركات الاموال

بحث الفرق بين شركات الاشخاص وشركات الاموال
بحث الفرق بين شركات الاشخاص وشركات الاموال 

Osman Ahmed

كنا بنتكلم عن شغل الشركات والبوست اللي فات قولنا اغلب تعريفات الجهات الحكوميه اللي ممكن نتعامل معاها ف شغل الشركات .. البوست دا مختلف عشان هانخش ف المفيد واننا نعرف ونفهم انواع الشركات وليه كل نوع اتسمي بالاسم دا وميزه كل نوع عن التاني ..

اول حاجه فرق بين شركات الاشخاص وشركات الاموال ...

شركات الاشخاص .....

محاصه .. توصيه بسيطه .. تضامن
ليه اتسمت شركات اشخاص لانها بتقوم ع الاشخاص
طب بالنسبه لشركه التضامن هنا كل الشركاء اللي فيها مسئولين باموالهم الشخصيه عن ديون الشركه
طب شركات التوصيه البسيطه .. الشركه دي شركائها بيكونوا فريقين ... فريق متضامن ودا بيتعامل نفس معامله الشركه اللي فوق .. وفريق بيكون مسئول عن ديون الشركه ع قد الحصص بتاعته بس يعني البوكيت ماني بتاعه ملوش دعوه بديون الشركه
طب المحاصه بقي دي ايه اغرب نظام فيهم .. ليه ياعم الحاج .. انا اقولك يالمض .. عشان دي شركه بالرغم من انها بتتعمل وتتاسس بس ملهاش وجود .. واثارها وكل شي يخصها مايشغلش غير الشركائ فيها وبس يعني الغير ولا يعرفوا حاجه عنها وملهاش شخصيه معنويه .. وعشان كده محدش بيشتغل بيها .. بس حبينا نوضحها غتاته كده
طب بالنسبه بقي لاجراءات تاسيس الشركات دي ...
عقد ايجار مثبت تاريخه ف الشهر العقاري
عقد الشركه الاساسي متوثق نقابه ومحكمه .. او نقابه وشهر عقاري .. بطاقه ضريبيه بالاجراء المعتاد وبعدها السجل برضو ... ولو حابب يعرف تفاصيل كل مرحله نناقش دا ف البوست ...
طب شركات الاموال هنا انا مضطر اكتب تعريفاتهم بس من غير اجراءات لانها حاجه متعبه بجد
شركات الاموال الدارجين اوي ف الشغل
مساهمه و توصيه بالاسهم ومسئوليه محدوده
الشركه المساهمه دي عباره عن شركه راسمال الشركاء كلهم بيتحول لاسهم عشان نلعب بيهم ف البورصه .. بس الاسهم دي كلها بتكون قيمتها متساويه يعني مثلا شركه فيها ١٠٠ سهم سعر السهم الواحد ب جنيه .. وهكذا وهنا كل الشركاء مش مسئولين عن ديونها يعني محدش بيدفع من جيبه ..
اما شركه التوصيه بالاسهم .. هي هي التوصيه البسيطه ... نفس النظام مع اختلاف حصص لاسهم بس ... اما شركه المسئوليه المحدوده عيبها الوحيد ماتقدرش تلعب ف البورصه ... واسف اني كروت البوست دا بس دا بسبب الشغل .. بس كان لازم انزله عشان وعدت بيه .. وبوعد الرد ع اي سؤال خاص بالبوست

عن الكاتب

رشدي عبد الغني

اذا أعجبك الموضوع فلماذا تبخل علينا بالردود المشجعة

التعليقات



جميع الحقوق محفوظة

قانون العرب