قانون العرب قانون العرب
.
random

آخر المواضيع

random
جاري التحميل ...

ما هو المقصود بالسجل التجاري - البطاقه الضريبيه - هيئه الاستثمار

ما هو المقصود بالسجل التجاري - البطاقه الضريبيه -هيئه الاستثمار
ما هو المقصود بالسجل التجاري - البطاقه الضريبيه -هيئه الاستثمار

بقلم المحامي عثمان احمد 

 مش هانطول كتير ونهري .. قبل مانتكلم ف شغل الشركات .. لازم نعرف شويه مصطلحات مهمه اوي عشان مانقعدش ابيض ياورد 

اولا كده ..

السجل التجاري


لازم نعرف السجل التجاري دا عباره عن ايه ....... السجل التجاري دا هو البطاقه الشخصيه بس للشركه مش للشخص .. بيقي مثبت فيه اسم الشركه وعنوانها وكيانها القانوني اللي هو نوع الشركه واسامي الشركاء وبياناتهم وصلاحياتهم وراس مالها واي تعديل حصل ف الشركه .. يعني زي ماقولنا هو البطاقه الشخصيه .. طب فايدته ايه .. انت ك شخص ليك اي دليل ع وجودك ف نظر الخكومه من غير البطاقه اللي ف محفظتك ؟؟ اهو السجل التجاري دا كده بالظبط .. من غيره الشركه ملهاش وجود ... 


البطاقه الضريبيه .. 


البطاقه الضريبيه دي اعتبرها بقي الفيزا كارت بتاعتك .. بس الفرق هنا انك بدل مابتسحب منها لما بتتزنق ف كافيه .. بالنسبه للشركه البطاقه الضريبيه هي اللي بتثبت موقف الشركه المالي مع الحكومه وانها مش مديونه ليهم ف حاجه .....
طب والغرفه التجاريه دي عباره عن ايه ... بالبلدي كده تقدر تقول ان الغرفه التجاريه دي الجندي المجهول .. اللي بيقف عليها اغلب الشغل .....

هيئه الاستثمار


طب وهيئه الاستثمار ... نفس اللي احنا قولناه ع اللي قات بس ع شغل نضيف وكبير واكثر تعقيدا شويتين .. بس برضو سهل ...
طب البورصه دورها ايه ... البورصه دي اعتبرها صاله البارتيتا اللي بتلعبوا فيها قمار والعياذ بالله بس مقننه يعني مش مخالفه للقانون .. طب دي دورها ايه ولا بيحصل فيها .. دي بنشتري اسهم شركات ونبيع ونشارك وناس تجيلها جلطات م الزعل وناس تتجنن من الفرح وبلاوي سودا ...وبالنسبه للرقابه العامه ع الصادرات والواردات ... دي عشان تستورد او تورد اي حاجه لازم تاخد تصريح .. زي بالظبط كده اللي مسافر لازم يكون معاه جواز السفر عشان يدخل او يخرج ...

الهيئه العامه ع الرقابه الماليه


طب والهيئه العامه ع الرقابه الماليه .. دي دورها بتشوف الشركاء ف شركات الاموال بيسرقوا بعض ولا لا موقف الشركه المالي مع الحكومه ايه سرفت ولا زي الفل ... واخيرا وليس باخر هانعرف الاداء الاقتصادي ... وانا واثق انك مش كتير يعرف ايه هو الاداء الاقتصادي ... باختصار شديد .. حضرتك لما بتروح تشتري حاجه مش بتقدر قيمتها وتشوفها تستاهل تمنها ولا لا .... اهو الاداء الاقتصادي دا كده لما شركه بتحب انها تشتري شركه لازم تروح الاول تاخد راي الاداء الاقتصادي .. وهما بيقيموا اوصول ومديونيات الشركه وموقفها المالي ... 

مكتب العمل والتامينات الاجتماعيه


واخر شي مكتب العمل والتامينات الاجتماعيه .. بالنسبه لمكتب العمل .. هو قسم الشرطه بالنسبه للعامل لما يحب يشتكي الشركه ... يعني هو الملجا .. والتامينات الاجتماعيه دي عباره عن شهاده استثمار العامل .. زي بالظبط اللي ابوك بيعملهالك او مابتتولد ... يقعد يدفع كل شهر لحد ماتتم سن معين وتيجي حضرتك تسحب الفلوس كلها عشان تتجوز ...


وب كده تقريبا نكون عرفنا كل شي ممكن نحتاجه ف الشركات ... والبوست الجاي هايكون عن انواع الشركات ومزايا كل نوع ولو بالي رايق هاكتب تاسيس كل شركه ازاي ... يارب نستفاد كلنا

عن الكاتب

رشدي عبد الغني
  1. مفهوم السجل التجاري

    هو تخصيص سجل يوجد فى وزارة التجارة يقيد به أسماء التجار وكافة البيانات المتعلقة بتجارتهم أو صناعتهم أفرادا كانوا أو شركات



    وظائف السجل التجارى هى :

    (1) وظيفة احصائية للدولة : وهى معرفة حجم النشاط الاقتصادى والزراعى والصناعى ... الخ وبالتالى تستطيع الدولة أن تضع خططها التنموية بدقة ووضوح .

    (2) وظيفة إعلامية : فالسجل التجارى هو ملف يوجد لدى وزارة التجارة يتضمن أسماء التجار وأماكنهم ونشاطاتهم وعناوينهم فى أى مكان فى الدولة حيث يخصص لكل تاجر صفحة فى السجل التجارى بها كافة المعلومات والبيانات عنه وعن طريقها يمكن معرفة أى معلومات عن التاجر حيث يستطيع التاجر أن يستعلم عن غيره من التجار الذين يتعاملون معه وتستطيع البنوك أن تستعلم عن التجار الذين يتعاملون معها .

    (3) وظيفة قومية : فمن يسجل بالسجل يعتبر تاجر ومن لا يسجل لا يعتبر تاجر - حيث يعتبر الشخص تاجر بمجرد القيد بالسجل التجارى حتى يثبت العكس ولكن القيد فى السجل ليس قرينة قاطعه .



    والأشخاص الملتزمون بالقيد فى السجل التجارى هم :

    (1) التاجر الفرد الذى له محل تجارى

    (2) جميع الشركات التجارية أياً كان الغرض من نشأتها مدنى أو تجارى فيما عدا شركات المحاصة فهى لا تكتب ولا تسجل فهى شركة مستترة تتم فى الخفاء - أما شركات التضامن والتوصية البسيطة والتوصية بالأسهم والمساهمة فكلها يجب قيدها بالسجل التجارى

    (3) جميع أنواع الوكالات التجارية والتوزيع والوكالة بالعمولة

    (4) جميع الوكالات الممثلة للشركات الأجنبية

    (5) الجمعيات التعاونية التى تقوم بالنشاط التجارى مثل جمعية موظفي الدولة والجمعية الزراعية.


    للامانة منقول ... الكاتب الاصلي عبد الحليم جودة
    https://www.bayt.com/ar/specialties/q/99627/%D9%85%D8%A7%D9%87%D9%88-%D8%AA%D8%B9%D8%B1%D9%8A%D9%81%D9%83-%D9%84%D9%85%D9%81%D9%87%D9%88%D9%85-%D8%A7%D9%84%D8%B3%D8%AC%D9%84-%D8%A7%D9%84%D8%AA%D8%AC%D8%A7%D8%B1%D9%89-%D9%88%D9%85%D8%A7%D9%87%D9%89-%D9%88%D8%B8%D8%A7%D8%A6%D9%81-%D9%87%D8%B0%D8%A7-%D8%A7%D9%84%D8%B3%D8%AC%D9%84-%D9%88%D9%85%D9%86-%D9%87%D9%85-%D8%A7%D9%84%D9%85%D9%83%D9%84%D9%81%D9%88%D9%86-%D8%A7%D9%84%D9%85%D9%84%D8%AA%D8%B2%D9%85%D9%88%D9%86-%D8%A8%D8%A7%D9%84%D9%82%D9%8A%D8%AF-%D9%81%D9%89-%D8%A7%D9%84%D8%B3%D8%AC%D9%84-%D8%A7%D9%84%D8%AA%D8%AC%D8%A7%D8%B1%D9%89/

    ردحذف

اذا أعجبك الموضوع فلماذا تبخل علينا بالردود المشجعة

التعليقات



جميع الحقوق محفوظة

قانون العرب