قانون العرب قانون العرب
.
random

آخر المواضيع

random
جاري التحميل ...

بحث ودراسة عن المؤجر والمستاجر في حالات الطرد

بحث ودراسة عن المؤجر والمستاجر في حالات الطرد
بحث ودراسة عن المؤجر والمستاجر في حالات الطرد
المحامي عثمان احمد

عاوزين بقي نعمل الجلاشه مع المؤجر والمستاجر ف حالات الطرد ... بس اوعي تنسي اوعي تيجي ع المستاجر باي شكل ... حالات الطرد المتعارف عليها والمتعارف عليها : 

  • طرد لانتهاء العلاقه الايجاريه 
  • طرد لعدم سداد الاجره 
  • طرد للايجار من الباطن ( الاخلال ببنود العقد )
  • طرد لوفاه المستاجر والمؤجر 
  • طرد للغصب 
  • طرد لاستعمال غير شرعي 



نبدا كده واحده واحده بدعوي الطرد لانتهاء العلاقه الايجاريه وعدم رغبه المؤجر ف التجديد ... فرقو بين بس حاجه مهمه اوووووي .. عقد الايجار قبل سنه ٩٦ وبعدها ... ف اول مايجيلك عقد والمالك بيقولك اطرد .. قوله ريح ف الانتريه شويه ... وبص ع تاريخ العقد ومدته ...لو قبل ٩٦ ومكتوب فيه مشاهره وخليك ليا ياعمري .. الراجل دا مش طالع من الشقه .. طب لو بعد ٩٦ حتي لو بيوم الراجل دا طالع وش من الشقه لان القانون الجديد نص ع انه لازم مده العقد تذكر بالسنه ... مع بعض الاستثناءات هنا ... انها ممكن تحصل وعقد الايجار ياخد مده مماثله حتي لو مكتوب مشاهره بعد سنه ٩٦ .. واحد يقولك انت بتالف ... اقوله بس يابابا .. بصوت رفاعي الدسوقي الله يرحمه ... لان فيه حاجه بتقول انصراف نيه المتعاقدين ... ودي بتكون عن طريق الشهوووووود ... ومحدش يكتر ويقولي مابتحصلش عشان انا عملتها قبل كده ... المهم .. 



ودي بترفع بالشكل العادي جدااا انذار الاول وتستني المده القانونيه وترفع عادي .. واول جلسه اجل لاعاه الاعلان واللي بعدها تشتغل بقي عادي تقدم مستنداتك وحركاتك وسلطاتك .. ومبروك عليك الشقه ... وطبعا المستاجر هنا هايستانف الحكم .. ماهو مش هايترمي ف الشارع بسهوله .. دا بعد مايعمل اشكال ف التنفيذ ... وغالبا الاشكال بيترفض لان دا اصبح الجاري ف محاكمنا المنيله ... ف الاخر خالص بيطرد من الشقه ..... ولو المالك فضل ياخد الاجره بعد انتهاء العلاقه الايجاريه وبعدها رفع طرد ع المستاجر .. هنا بيخسر الدعوي لانه اخد الايجار دا بمثابه مواقفه ضمنيه ع تجديد العقد 


الطرد لعدم سداد الاجره ... اهم شي هنا خد بالك من شي لان اللعب كله هنا ... التواريخ يامعلم .. واحد يقولي تواريخ ايه يامسطول انت .. اقوله بس يابابا بصوت الدسوقي برضو .. الفاتحه له .. تاريخ انذار الاخلاء وتاريخ انذار عرض الاجره ... ممكن واحد يعمل انذار بالعرض قبل الانذار بالاخلاء يبقي كده الدعوي دي بلح .. ممكن الواحد يعمل انذار لعدم السداد .. ع اشهر غير مستحقه اصلا .. ف ركز كويس اوووووي ف الانذار قبل ماترفع ... لو المالك ثبت ان المستاجر مادفعش الايجار ورفع ف المواعيد صح وقدم العقد وحضر المستاجر وماقدرش يثبت بالكتااااابه مش بالشهود انه كان بباخد الايجار عن طريق الوصولات .. حلال عليه الشقه ... طب لو المستاجر ضرب وصولات ... المالك يطعن بالتزوير طبعا بالاجراءات المعتاده ... 


طب لو المالك اخد الايجار وبعدها عمل انذار الاخلاء ملوش اي لازمه خصوصا لو الشرط الفاسخ اياه بيقول ايه ف العقد عندك ... اهم شي بعيدا عن القانون ... دعاوي الاخلاء عندك اهم شي فيها تستيف الورق صح .. لو ورقك مش متستف اشتغل شغلانتك واحنا نمولك ... هانقف لحد هنا ونكمل باقي الحالات بكره ان شاء الله .. ولو نسيت حاجه ياريت نكمل مع بعض ... عشان انا بكتب ارتجالي مش برجع لكتب وانا بكتب الكلام دا

عن الكاتب

رشدي عبد الغني

اذا أعجبك الموضوع فلماذا تبخل علينا بالردود المشجعة

التعليقات



جميع الحقوق محفوظة

قانون العرب