شبكة القانونيين العرب شبكة القانونيين العرب
random

احدث المواضيع

random
جاري التحميل ...

هل يجوز صحة ونفاذ عقد البيع عن طريق التحكيم بدلا من المحكمة والشهر العقاري ؟



هل يجوز صحة ونفاذ عقد البيع عن طريق التحكيم بدلا من المحكمة والشهر العقاري ؟

الحكم ده او بمعنى ادق الدش الساخن من محكمة النقض للشركة الطاعنة ليه الدش الساخن ده من المحكمة لسببين الاول ان الشركة حاولت تعمل فكرة جديدة مش بس صحة ونفاذ عقد البيع عن طريق التحكيم لا ده بيع لاجنبي كمان ايييييوة اجنبي ومش بس كده ده لما النيابة شمت خبر عالى طول راحت طعنت عليه امام محكمة استئناف الاسماعيلية شركة تسكت بقى ابداااااا قالت للنيابة انتي مش مختصة 

وطبعا اتحكم للنيابة ببطلان حكم التحكيم للاسباب اهمها ان المشتري اجنبي وهو ما يخالف القانون 230 لسنة1996 بشان تملك الاجانب الشركة طعنت على الحكم ده وكانت اسباب الطعن:

  • 1-النيابة غير مختصة بالطعن على حكم التحكيم محل الطعن لانه تحكيم تجاري دولي النيابة غير مختصة :
  • 2- محكمة استئناف الاسماعيلية هي كمان غير مختصة بنظر النزاع 


السبب الاول الشركة الطاعنة كانت بتستند على ان قانون التحكيم لم ينص على قيام النيابة برفع دعوى بطلان حكم التحكيم ابتداء من تلقاء نفسها 

لكن المحكمة ردت وقالت ان قانون التحكيم فعلا لم ينص على الحق ده لكن برده القانون لم ينص على نفي الحق عنها وبالتالي نرجع للقانون المرافعات لان القانون الاجرائي العام واللي بينص على انه من حق النيابة العامة ان ترفع دعوى بطلان على اي تصرف مخالف للنظام العام ، ده غير ان القانون رقم 230 لسنة1996 نص على انه من حق كل ذي شان او النيابة رفع دعوى بطلان اي تصرف تم بالمخالفة للقانون 

يبقى النيابة من حقها رفع دعوى البطلان

اما عن السبب التاني فقالت الشركة ان المحكمة غير مختصة لان التصرف فيه طرف اجنبي كان عايز يستثمر في العقار محل الدعوى وبالتالي ده تحكيم تجاري دولي 

تختص بنظره محكمة استئناف القاهرة

المحكمة ردت وقالت ان التحكيم انصب على صحة ونفاذ عقد بيع غرضه تملك اجنبي لعقار وبالتالي احناامام تصرف مدني وليس تجاري حتى 
وبالتالي طبقا لنص قانون التحكيم تختص محكمة الدرجة الثانية التي تتبعها اصلا المحكمة المختصة بالنزاع يعني المحكمة مختصة


الخلاصة محكمة النقض من اسلوب الحكم تحس انه تم استفزازها لان طبعا فكرة حكم التحكيم لو كانت عدت كانت هتعمل ثورة في صحة ونفاذ عقد البيع وخاصة الاجانب ده غير ان الشركة اتكلمت في عدم اختصاص النيابة وده شيء لوحده يخلي محكمة النقض تكتب مجلدات فيه

عن الكاتب

رشدي عبد الغني رشدي عبد الغني شبكة قانونية عربية تسعى الى نشر الثقافة القانونية بين الاوساط القانونية والمهتمة بالمجال القانوني
يمكنك زيارة موقع الشبكة عبر الرابط التالي: http://www.law-arab.com/
كما يمكنكم زيارة موقع المكتبة القانونية عبر الوصلة : http://legallibrarybooksresearch.law-arab.com/
نتمنى لكم يوم موفق..

اذا أعجبك الموضوع فلماذا تبخل علينا بالردود المشجعة

التعليقات

ابدأ الآن مجاناً مع برنامج المحامي الذكي تفضل بالدخول من هنا



جميع الحقوق محفوظة

شبكة القانونيين العرب

2016