مفهوم التسجيل في الشهر العقاري للاراضي والعقارات

نكمل كلامنا عن شغل الشهر العقاري ... وهانتكلم النهاردا عن التسجيل ...

كلمه تسجيل دي لوحدها نوعين فيه رضائي وفيه بحكم المحكمه ... خلينا ف التسجيل الرضائي

حضرتك اشتغلت وتعبت وربنا كرمك وجبتلك شقه ع قدك حطيت فيها شقي عمرك .. ماتبخلش يااخي ع اخوك المحامي انه يسجلهالك ويضمنلك شقي عمرك ...

اول حاجه ايه الفايده من التسجيل ... كلنا هضمنا ف الكليه طبعا ان الملكيه لا تنتقل الا بالتسجيل .. دي اول فايده ... وكمان فيه حاجه اسمها اسبقيه التسجيل .. يعني اييييه ... يعني واحد باع شقه مرتين العبره هنا باللي مسجل الاول ان شالله يكون بفرق ساعه وهاتعرفوا ليه بقول فرق ساعه بعد كده ...

اول حاجه عشان تسجل شقتك لاااااااااازم تكون الارض نفسها مسجله ولما بتكتب عقد البيع بينك وبين البايع العبره مش بالعقد بس الاحسن يعملك توكيل ف الشهر العقاري بالبيع للنفس وللغير وهاتعرف ليه قدام برضو .... ولازم تاخد صوره من سندات الملكيه بتاعت الشقه ودا مهم جدااا عشان ماتلفش حوالين نفسك بعد كده ... اول حاجه بتكتب طلب الشهر العقاري باسم رئيس مكتب الشهر العقاري التابع ليه الشقه بتاعتك .. 

والطلب شكله بيختلف عن اي طلب لانك لازم تكتب بيانات البايع اللي بيكون اسمه ف الطلب الصادر ضده التعامل وبيانات المشتري اللي بيكون اسمه الصادر لصالحه التعامل ولازم تكتب بياناتهم بالتفصيل وبتكتب التمن ويستحسن ماتكتبش التمن الفعلي واكتب رقم قليل وهاتعرفوا برضوا قدام ليه بقول كده ... المهم وبتكتب بيانات الشقه بالتفصيييييييل الممل وبتكتب الملكيه والتكليف والحدود والطلب عاده بيكون من اصل و 3 صور ... وخد بالك هنا التعامل مع الشهر العقاري ف التسجيل بيكون بالوكيل المباشر يعني ماينفعش وكيل وكيل يشتغل خااااالص ... دي حقوق ناس يابا وممكن يتلعب بيها ... المهم بتروح لرئيس المكتب يديك تاشيره والتاشيره هنا بتكون باليوم والساعه والدقيقه عشان هي دي اسبقيه التسجيل .. وتروح تقدر الرسم .. والرسم هنا بيكون مش ع سعر الشقه انما بيكون ع مساحه الشقه واحد ناصح يقولك طب منا اكتب مساحه قليله ... لا ياناصح عشان هاتلبس بعد كده ف الحيطه .. المهم مااطولش عليكوا ... قولوا طول ....

قدرت الرسم ودفعت ف الخزنه ... اوعي تفكفر ترمي الايصالات اللي هاتشتغل بيها ابداااااااا ... روح بيتكوا وبعد 4 ايام اطلع ع الشهر العقاري مش هتلاقي الطلب .. هتلاقيه ف المساحه التابع ليها الشقه برضو ... اسال ع الطلب بالرقم بتاعه هتلاقي الطلب اتوقف .. اه والله زمبئولك كده هتلاقيه اتوقف ماتزعلش عادي اعرف اتوقف ليه واكتبها عندك ف ورقه وغالبا بيتوقف ع العقد المسجل وع اقرار اول تعامل وكشف رسمي والرخصه واي اوراق تانيه ممكن حتي ماتخطرش ع بالك .. وعشان كده قولتلك ف الاول خد كل سندات الملكيه من البايع ... المهم .. فوت كمان كام يوم بس خلال الكام يوم دول حضر الاوراق المطلوبه لانها بتاخد وقت وخصوصا الكشف الرسمي لانه بياخد مش اقل من اسبوعين عشان يطلع .. 

روح بقي اسال ع الطلب ف الساحه هايفولولك ادفع فرق التكاليف بتدفعها وترفق الايصال بالطلب .. وبتحدد يوم للمعاينه ... بتروح تجيبه من الشهر العقاري وتفطره وتظبطه بينزل معاك المعاين ع الشقه وبعد المعاينه اللي بيتكتب فيها المساحه وعشان كده قولتلك ماتعملش ناصح وتكتب مساحه فليله ف الطلب .. بيطلع حاجه اسمها كشف التحديد ... يعني ايه دي .. ملكش دعوه هي اسمها كده ..المهم بعد كده فوت كام يوم وروح تاني اسال وهناك هايقولولك الطلب ف الشهر العقاري تروح تسال عليه هايقولولك الطلب موقوف ع الورق اللي قولنالك عليه .. قولهم منا حضرتهم خلاص .. وخصوصا بعد كشف التحديد انه خلاص اتعمل ودا اللي بيسهل عليك لو اي ورقه وقفت ومش عارف تجيبها منين .. حط كل الورق دا ف حافظه مستندات وتقدمها لرئيس المكتب اللي بياشر عليها وبيضمها ع الملف بتاعك .....

بقلم المحامي اسامة احمد