القائمة الرئيسية

الصفحات

قضايا الضرب 

قضايا الضرب
قضايا الضرب


محمد أحمد فؤاد - المحامي

علشان الناس إلى بتعمل محاضر لبعض ويقولو نعمل محضر ونجيب تقرير طبى علشان نقدر نساوم الخصم بعد كده لا وكمان يقولو نجيب واسطه من المستشفى علشان نعمل تقرير اكتر من 21 يوم علشان تبقى جنايه ... 


أولا.. كل ده كلام مالوش اى اساس من الصحه ولا له أى سند قانونى ... ثانيا .. التقرير الطبى دليل على وجود أصابه وليس دليل على الإدانة يعنى مش دليل على أن المتهم أو الشخص الى بتشتكيه هو إلى عمل الاصابه دى فيك ... !!!


 يعنى وارد جدا أن يكون فى محضر فى تقرير طبى والنيابة تحفظه أو مثلا يتحددله جلسه والقاضى يحكم بالبراءه عادى جدا ... يعنى مش معنى ان حضرتك عامل مفتح وروحت عملت تقرير طبى وجبت واسطه زى مابتقول يبقى المحضر كده تمام ...


 لا وكمان تقول لازم تقرير من مستشفى حكومى علشان كده يبقى المحضر متظبط ... بردو مش دليل .. ؟؟ لأن وارد جدا تكون فى قضيه فيها تقرير طبى من مستشفى خاص والقضيه ماتتحفظ وتنزل جلسه عادى يعنى ووارد جدا يكون محضر فى تقرير طبى من مستشفى حكومه ويتحفظ عادى ... اه وياريت كمان بلاش التاتش بتعكم فى حكاية انك لازم تسبق بمحضر قبل المحضر بتاعه علشان يبقى محضر كيدى .. !! أبوس أيديكم ارحمونا من التاتش ده مافيش حاجه اسمها كده بلاش اختراعات ...


 كل واقعه وليها ظروفها وملابساتها وأدلة الاتهام بتاعتها ... يعنى مش معنى انه عمل محضر قبلك يبقى حقك ضاع ... ده مش صح ... صدقنى حقك محفوظ ..
هل اعجبك الموضوع :

تعليقات

التنقل السريع