القائمة الرئيسية

الصفحات

بحث ودارسة مختصرة عن شروط واحكام وعناصر الحيازة

بحث ودارسة مختصرة عن شروط واحكام وعناصر الحيازة
بحث ودارسة مختصرة عن شروط واحكام وعناصر الحيازة 

المحامي عثمان احمد / مصر 
النهاردا عندنا موضوع الحيااااااااازه ... 

اول شي بس نقولها كده .. الحيازه مش شرط تنتقل عن طريق عقد البيع بس .. ابسلوتلي يامعلمين .. الحيازه ممكن تكون ايجار بيع هبه وصيه سبوكسات مقلم وكمان كروهات واحيانا ب كرانيش .. اي حد يحط ايده ع حاجه بقت ف حيازته العبره بقي هنا هي قانونيه الحيازه دي .. الحيازه نوعين قانونيه وفعليه ماديه .. الحيازه القانونيه دي اللي ليها ورق بالبلدي كده كنت تسمع زمان يقولك انا معايا حجه البيت ... او حيازه فعليه اللي هي وضع اليد بالتقادم .. ودا مش موضوعنا دلوقتي ..


انت لامؤاخذه دلوقتي كنت مسافر وراجع بعد سنين غربه لاقيت واحد مبرشط ع بيتك ويقولك دا بيتي وانا قاعد فيه من زمان .. قوله عند امه ياادهم .. لان دا كده مش حااايز دا مغتصب .. وهنا نفرق بين الحيازه والغصب ..
الحيازه ليها عنصرين .. عنصر مادي وعنصر معنوي


العنصر المادي .. هو انك تحط ايدك .. لا مؤاخذه ع الحاجه .. صفوا نيتكوا شويه ..


والعنصر المعنوي اللي هو القصد الجنائي .. يعني واحد حايز لبيت مثلا ف يبدا يعمل ترميمات ويدق مسمارين .. ع اساس انها حاجته ...ونفرق بقي بين الحيازه والملكيه ع المباني والاراضي الزراعيه .. لو تغتكروا البوست اللي كنا نزلناه قبل كده بتاع قضايا المباني والتبوير .. واتكلمنا عن الحيازه ف الاراضي الزراعيه .. اللي مش فاكر يرجع للبوست دا ..


المهم .. نفرق بقي بين الحيازه والاغتصاب .. الحيازه دا وضع قانوني وزي الفل ... اما الاغتصاب فهو هو تصرف غير مشروع ...
ننجز بقي ونقول لو حد حط ايدوا يااااه .. ع ارضي ياااه .. بنرفع دعوي استرداد حيااازه او نعمل محضر تمكين حيازات .. ودي بتاخد الشكل العاااادي للدعاوي والاجراءات هي هي .. وبالبلدي كده الغصب بيكون حيازه شي بدون ورق والحيازه بتكون ب ورق .. وغالبا كله بيخلص بالمستندات والشهود ...

دي كانت نبذه بس كده بسيطه .. اللي عنده اضافه يتفضل
هل اعجبك الموضوع :

تعليقات

التنقل السريع