ماهي إجراءات رفع دعوى صحة توقيع امام محكمة حلوان - القانون المصري

 Wesam Elshenawey بص يا مستشار كل واحد اتريق كانت امنية حياته انه يمسك ملف دعوي صحة توقيع حتي لو من المحامي اللي هو شغال معاه

بص يا محترم 

هتكتب عريضة الدعوي و تصورها ٣ صور 

و هتجيب حافظه مستندات تحط فيها اصل العقد و صورتين منه 

و تحطهم في ملف و معاهم صوره الكارنيه بتاعك و صوره بطاقة المدعي

ولو معاك منه توكيل حط صوره التوكيل معاهم و روح قدر رسم و ادفع الرسم و ارجع لرئيس القلم 

هيديك رقم الدعوي و تاريخ الجلسه 

• فيه محاكم بتمضيك علي الملف اقرار انك استلمت اصل العريضه و صورها للاعلان و فيه محاكم بتقولك خلاص كده يا استاذ وهما بينزلوا العريضه و الصور للمحضرين يعلنوا هما

متنساش تاخد معاك المدعي بشخصه لو مش معاك منه توكيل

و ربنا يوفقك و يكرمك 

#للعلم انا من ثلاثه سنوات كنت بدخل اسأل في جروبات و كانوا بيتريقوا عليا برده و كان فيهم اللي بيقولي معلومه 

و الحمد لله فيه ناس من اللي كانوا بيتريقوا عليا اني بطلب افهم حاجه بقي بيدخلوا يكلموني علشان يعرفوا معلومه مني 

#استمر و متبصش للناس السلبيه.

الحمد الله أصل العريضه عليه دمغه محاماه وحافظه فيها أصل العقد علي كل ورقه دمغه بجنيه وصوره بطاقه المدعين وصوره البطاقه الضريبية وصوره كارنيه المحامي وصور التوكيلات وتدخل علي ريس القلم المدني يقدر رسم وتراجع الحافظه وتدفع في الخزنه وبعد كدا تدخل الجدول تأييدها وبعد كدا تكتب التكليف وبعد كدا تسلم محاضرين وتأخذ رقم علشان تستلم أصل الصحيفه ال هايحضر بها الجلسه انشاء اللله وبالتوفيق