قانون العرب قانون العرب
.
random

آخر المواضيع

random
جاري التحميل ...

عايز تبقي محامي ناجح و محترف و مشهور

عايز تبقي محامي ناجح و محترف و مشهور

عايز تبقي محامي ناجح و محترف و مشهور
عايز تبقي محامي ناجح و محترف و مشهور 

بقلم محمدعماد المحامى
متخفش تغلط
متخفش تسال
متخفش تتحرج
جمد قلبك

 بيكون رئيس نيابة كليه و قاضي و تبقي مذاكر احسن منه و بتعلم عليه سيبك من جو اقرا كتاب الفلاني و الكلام ده اقرا في اي حاجة و اشتغل كل حاجة و متبطلش بحث

 المحامي الصح معاه مفتاح اى باب مقفول اتعب و انزل هاته من البحر ماهو الرزق الحلال الوفير لازم تتعب عشانه
 و انتا رايح تقابل حد مهم جالك مقابلة في مكان مهم برافو عليك هتروح ببدلة و يسلام بقي روبك وقار و شياكة والله انتا الكسبان صدقني جرب هتخسر ايه و اخيرا توكيل معناه انك بتكون بالبلدي مكان شخص الي وكلك عن نفسه و حياته لو موضوعك الشخصي هتقتل نفسك عشان تكسبه ده لازم يكون شعارك في مهنتنا اوعي تستلم

 متخفش حد يضحك عليك هيجي وقت انتا الاعلي هو اضعف من انه يسبطر علي غروره و يعطيك معلومة اتحرج مع زميلك احسن ما تتحرج و انتا مسؤول عن حد بشخصه



أقرأ أيضاً:


ادي الي قدامك قيمته عشان انتا محترم متقللش من نفسك

1- غير نظرتك للمهنة :- 

يعني مثلا فصل روب خاص ليك سيبك من الروب الي مش مكوي الي لما بتلبسه اصلا ريحته بتخليك مش طايق نفسك بزمتك هتترافع ازاي نفسيا = غير نظرتك

2- هات بدلتين بس لونهم مختلف 

و غير عليهم قمصان و كافتات يا سيدي متحملش نفسك اكبر من طاقتك و سيبك بقي من الكاجوال واحد يقولك انت داخل تعمل ايه يا استاذ فا تقوله انا محامي يقولك فين الكارنيه و الله عيب يا خي يا زميلي بتبخل عليا بوقارك ليه بتبخل عليا بشياكتك ليه يا استاذى يا استاذة شغلك متعة محتاج حالة نفسية خاصة دخل نفسك فيها يا اخي يمكن ربنا يبعتلك رزقك فى وقت اعمل الي عليك بقي خليك جاهز فى اي وقت 

3- بص سيبك بقى من الاهبل بتاع متقولش معالي الريس

 و متقولش سيادة المستشار و انت كده بتقلل من نفسك يا اساتذتى العظام هو انتم بتستمدول قوتكم من و فنيات شغلكم بانك متقولش كده خلاص يعني كده انت فرضت شخصيتك و لا ايه ثقتك فى نفسك يا استاذ اكبر الف مره من كده 

4- قوتك فى ابداعك فى اسلوبك


 فى انك تقرا فا تدخل تقول مثلا انا هقول النهارده مرافعتي باللغة العربية او هتمرن استخدم الفاظ مختلفة هنا بقي الاختلاف هنا بقى القاضى و وكيل النيابة بيعمل حسابك و يقعد متنح عشان يحاول يجريك و يوم ما هيكون عايز يشد معاك عشان يرضي غرورك هتكسبه لانك فاهم و عامل الي عليك 

5- غلى نفسك والله ما حد بياخد رزق حد

 بس حاول تبقي طموح حاجة حلوة على فكرة علي سعرك فى السوق و ده هيكون لي بوست تاني مفصل 

6- اخطر نقطتين بقي 

أ :هو انت ليه مش بتبص لولادك و صحابك و مراتك و اهلك و عزوتك كده ليه بتعشق تقلل من نفسك ليه عاشق و متقن لدور المظلوم انت مستضعف و فيها فرق كبير بينها و بين الضعيف على فكرة رقي نفسكخلى فيه حدود خلي ولادك يقولو بابا بيه هيبته فى التعامل مع الناس 

ب: السكرتير , امين السر فكك و انسوا و استقيظوا و فوقوا و ارتقوا بكل اللغات اهو اسئلتك محددة ليه عايز تعرف اتجاه الدائرة اعرفوا من احكامها اتعب و اقرا عشان خاطرى وحيات سيدنا محمد صل الله عليه و سلم وحيات سيدنا عيسى عليه السلام اتعب و اقرا و بلاش اسلوب كانكم عارفين بعض من سنين عشان انتم مش كده و اقل شكوى و الله سكرتير بيترعب منك 

7- القاضى العادى و مجلس الدولة , الظابط , وكيل النيابة ,,, 

 هشرح ليكم فى بوست مفصل ازاي تتعامل معاه و اوعدكم و اتحدي انه هيكون بشكل مختلف عن اي حد لاني بعشق الاختلاف :) بس بسرعة افصل بين الاحترام و الخوف روبك بيدي باور خليك قده متتهزش بس الموضوع كله مين بيفرض شخصيته على التاني و قبل ما حد يقولي انت مش عايش والظلم و الاستبداد و الكلمتين الي انتم حافظينهم انا يا ما خدت حقى من قضاة بس الفرق اني مش عنجهي حصانتي فى اهتمامي بمظهرى و فكرى و وقارى و شموخي مش فى الكارنيه عشان كده محدش بيقدر عليا الحمد الله 

8- اخيرا حبها قدرها

 و الله احنا لينا فى بطون الناس معزة جامدة بدليل ان موكلك بيحس انك حياته كلها و بيثق اكتر من اي حد بعد ربنا سيبك من الظاهر ده عشان ميدفعش فلوس بس :D 
اسف للاطالة 

عن الكاتب

رشدي عبد الغني

اذا أعجبك الموضوع فلماذا تبخل علينا بالردود المشجعة

التعليقات



جميع الحقوق محفوظة

قانون العرب